Navbatdagi yig‘inni xozircha Farg‘onada davom etdirayotgan “Sementchi” reja asosida kuniga ikki mahaldan “Istiqlol” o‘yingohida mashg‘ulotlarni olib bormoqda.

Kecha ertalab jamoa a’zolari trenajor zalida jismoniy mashqlarni bajarishgan bo‘lsa, kunning ikkinchi yarmida to‘p bilan maydonda harakatlanish bo‘yicha taktik mashqlarni amalga oshirdilar.

Navbatdagi yig‘in davomida o‘tgan mavsumda jamoada harakatlangan va hozirda shartnoma muddati yakuniga yetgan bir qator futbolchilar bilan do‘stona xayrlashilib, tarkibga esa bir qator yangi futbolchilar taklif etildi.

Bugunga qadar jamoa tarkibiga “Qizilqum” jamoasidan Shukurali Po‘latov va Otabek Isroilov, so‘nggi jamoasi “Buxoro”da o‘zining ajoyib xatti-harakatlari bilan yaxshi taassurot qoldirgan darvozabon Sardor Qobiljonov, “Navbaxor” jamoasidan farg‘onaliklarga yaxshi tanish bo‘lgan Abbosbek Maxsitaliyev va Said Abdujabborov, “Bunyodkor” yoshlar jamoasi a’zosi Ibrohim G‘ofurov, o‘tgan masumda “Andijon” tarkibida ishonchli o‘yinlar o‘tkazgan ximoyachi Qahramon Muhammadjonov va o‘tgan mavsumni Malayziyaning “ATM” jamoasida o‘tkazgan yana bir farg‘onalik ximoyachi Iqbol Boboxonov kelib qo‘shilgan.

Bugungi mashg‘ulotlarga Jizzaxning “So‘g‘diyona” jamoasidan Sardor Qahhorov xam kelib qo‘shildi. Ushbu futbolchilarning bir nechtasi bilan jamoa kelishuvga erishildi, yig‘in davomida murabbiylarda ijobiiy taassurot qoldirgan boshqa futbolchilar xam jamoa tarkibiga kiritilishi mumkin.

Hozirda murabbiylar jamoaga yana bir nechta futbolchilarni taklif etishgan, tez kunda ushbu futbolchilar xaqida xam ma’lumotlarni berib boramiz.

“Sementchi” matbuot xizmati