Навбатдаги йиғинни хозирча Фарғонада давом этдираётган “Цементчи” режа асосида кунига икки маҳалдан “Истиқлол” ўйингоҳида машғулотларни олиб бормоқда.

Кеча эрталаб жамоа аъзолари тренажор залида жисмоний машқларни бажаришган бўлса, куннинг иккинчи ярмида тўп билан майдонда ҳаракатланиш бўйича тактик машқларни амалга оширдилар.

Навбатдаги йиғин давомида ўтган мавсумда жамоада ҳаракатланган ва ҳозирда шартнома муддати якунига етган бир қатор футболчилар билан дўстона хайрлашилиб, таркибга эса бир қатор янги футболчилар таклиф этилди.

Бугунга қадар жамоа таркибига “Қизилқум” жамоасидан Шукурали Пўлатов ва Отабек Исроилов, сўнгги жамоаси “Бухоро”да ўзининг ажойиб хатти-ҳаракатлари билан яхши таассурот қолдирган дарвозабон Сардор Қобилжонов, “Навбахор” жамоасидан фарғоналикларга яхши таниш бўлган Аббосбек Махситалиев ва Саид Абдужабборов, “Бунёдкор” ёшлар жамоаси аъзоси Иброҳим Ғофуров, ўтган масумда “Андижон” таркибида ишончли ўйинлар ўтказган химоячи Қаҳрамон Муҳаммаджонов ва ўтган мавсумни Малайзиянинг “АТМ” жамоасида ўтказган яна бир фарғоналик химоячи Иқбол Бобохонов келиб қўшилган.

Бугунги машғулотларга Жиззахнинг “Сўғдиёна” жамоасидан Сардор Қаҳҳоров хам келиб қўшилди. Ушбу футболчиларнинг бир нечтаси билан жамоа келишувга эришилди, йиғин давомида мураббийларда ижобиий таассурот қолдирган бошқа футболчилар хам жамоа таркибига киритилиши мумкин.

Ҳозирда мураббийлар жамоага яна бир нечта футболчиларни таклиф этишган, тез кунда ушбу футболчилар хақида хам маълумотларни бериб борамиз.

“Цементчи” матбуот хизмати