O‘zbekiston Olimpiya terma jamoasi sardori Zabihillo O‘rinboyev Xitoyga qarshi o‘yin oldidan o‘z fikrlarini bildirar ekan, bo‘lajak o‘yinda vaziyatni o‘nglashga harakat qilinishini aytdi.  

“Qatarga qarshi kechgan o‘yindan keyin qiyin ahvolga tushib qoldik. Xitoy OTJ kuchli hisoblanadi va ammo biz shunga yarasha tayyorgarlik ko‘rdik. Xitoyga qarshi o‘yinda vaziyatni o‘nglashga harakat qilamiz”, – dedi Zabihillo O‘rinboyev.

O‘zbekiston Olimpiya terma jamoasi bosh murabbiyi Ravshan Haydarov ham ertangi o‘yindan avval o‘z fikrlari bilan o‘rtoqlashdi.

“Qatarga qarshi o‘yinga yaxshi tayyorgarlik ko‘rgandik. Ammo yaratilgan vaziyatlardan unumli foydalana olmadik. Ikkinchi bo‘limda esa to‘p nazoratini yo‘qotib, qarshi hujumda gol o‘tkazib yubordik. Xitoy bilan o‘yinda yaxshi natijaga erishib, muxlislarimizni xursand qilishga harakat qilamiz”, – dedi Ravshan Haydarov.

Eslatib o‘tamiz, O‘zbekiston OTJ – Xitoy OTJ uchrashuvi ergata, 12 yanvar kuni Toshkent vaqti bilan 13:00 da start oladi.