“Manchester Yunayted” “Arsenal” yarim himoyachisi Aleksis Sanchesni “Manchester Siti”dan ilib ketishni rejalashtirgan.

Daily Mail nashrining xabariga ko‘ra, “qizil iblislar” “Arsenal”ga Sanches transferi uchun 25 mln funt taklif etishgan. “Manchester Siti” esa avvalroq 20 mln funt taklif etgandi. Shuningdek, “MYU” futbolchining haftalik maoshini 250 ming funt etib belgilamoqchi.

Biroq “shaharliklar”ning Sanches bilan shartnoma imzolash imkoniyatlari yuqoriroq bo‘lib, chililik futbolchi yana Pep Gvardiola bilan birga ishlashga qarshi emas. Eslatib o‘tamiz, Sanches Gvardiola bilan avvalroq “Barselona”da birga ishlagan.

Bundan tashqari, “Arsenal”ga PSJ va Xitoyning “Xebey Chayna Forchun” klubidan takliflar bor. Ma’lum bo‘lishicha, xitoyliklar Sanchesning haftalik maoshini 400 ming funt etib belgilashlari mumkin.