“Манчестер Юнайтед” “Арсенал” ярим ҳимоячиси Алексис Санчесни “Манчестер Сити”дан илиб кетишни режалаштирган.

Daily Mail нашрининг хабарига кўра, “қизил иблислар” “Арсенал”га Санчес трансфери учун 25 млн фунт таклиф этишган. “Манчестер Сити” эса аввалроқ 20 млн фунт таклиф этганди. Шунингдек, “МЮ” футболчининг ҳафталик маошини 250 минг фунт этиб белгиламоқчи.

Бироқ “шаҳарликлар”нинг Санчес билан шартнома имзолаш имкониятлари юқорироқ бўлиб, чилилик футболчи яна Пеп Гвардиола билан бирга ишлашга қарши эмас. Эслатиб ўтамиз, Санчес Гвардиола билан аввалроқ “Барселона”да бирга ишлаган.

Бундан ташқари, “Арсенал”га ПСЖ ва Хитойнинг “Хэбэй Чайна Форчун” клубидан таклифлар бор. Маълум бўлишича, хитойликлар Санчеснинг ҳафталик маошини 400 минг фунт этиб белгилашлари мумкин.