“Manchester Yunayted” “Arsenal” hujumchisi Aleksis Sanches uchun kurashda “Manchester Siti”ni ortda qoldirmoqchi.

“Qizil iblislar” chililik hujumchi uchun 25 mln funt to‘lashga tayyor. “Shaharliklar” esa 20 mln funt taklif qilishgan. Shuningdek, “MYU” Sanchesga haftasiga 250 ming funt maosh berishga rozi, bu esa Aleksisni APLda eng ko‘p maosh oladigan futbolchiga aylantiradi.

Ammo “shaharliklar”ning ustun tomoni shundaki, Sanches Gvardiola bilan ishlashga qarshi emas, u ispaniyalik mutaxassis bilan “Barselona”da o‘ynagan paytida yaxshi munosabatda bo‘lgan.

Shuningdek, “Manchester Yunayted” Sanches uchun “Arsenal”ga Mxitaryanni berishga tayyor.