Xitoyda davom etayotgan 23 yoshgacha bo‘lgan futbolchilar o‘rtasidagi Osiyo chempionatida "A" guruhining 2-turi doirasida yana bir o‘yin bo‘lib o‘tdi. Qatar terma jamoasi Ummonga qarshi maydonga chiqdi va kichik hisobda g‘alaba qozondi.
Uchrashuvning birinchi bo‘limi tugashi arafasida qatarliklar yaxshi kombinasiya tashkil qilishdi va Akrom Afif birga-bir vaziyatdan samarali foydalandi. Qatar olimpiyachilari o‘yin davomida ustunlikka erishishdi, ammo ular raqib darvozasini boshqa ishg‘ol eta olishmadi.
Ushbu g‘alabadan keyin Qatar o‘z ochkolarini 6taga yetkazdi. Ammo ular hali chorak final masalasini to‘la hal etishmadi. So‘nggi turda Ummonga qarshi maydonga chiqadigan O‘zbekiston terma jamoasi 2ta to‘p farqi bilan g‘alaba qozongani maqsadga muvofiq. Shunda terma jamoamiz taqdiri parallel kechadigan raqiblarning o‘zaro o‘yiniga bog‘liq bo‘lmaydi.
OFK U23, "A" guruhi, 2-tur
UMMON - QATAR - 0:1
Gol: Akrom Afif (43)
| № | Jamoa | O‘yin | G‘alaba | Durang | Mag‘lubiyat | T-N | Ochko |
|---|---|---|---|---|---|---|---|
| 1 | Qatar | 2 | 2 | 0 | 0 | 2-0 | 6 |
| 2 | O‘zbekiston | 2 | 1 | 0 | 1 | 1-1 | 3 |
| 3 | Xitoy | 2 | 1 | 0 | 1 | 3-1 | 3 |
| 4 | Ummon | 2 | 0 | 0 | 2 | 0-4 | 0 |
