Хитойда давом этаётган 23 ёшгача бўлган футболчилар ўртасидаги Осиё чемпионатида "А" гуруҳининг 2-тури доирасида яна бир ўйин бўлиб ўтди. Қатар терма жамоаси Уммонга қарши майдонга чиқди ва кичик ҳисобда ғалаба қозонди.
Учрашувнинг биринчи бўлими тугаши арафасида қатарликлар яхши комбинация ташкил қилишди ва Акром Афиф бирга-бир вазиятдан самарали фойдаланди. Қатар олимпиячилари ўйин давомида устунликка эришишди, аммо улар рақиб дарвозасини бошқа ишғол эта олишмади.
Ушбу ғалабадан кейин Қатар ўз очколарини 6тага етказди. Аммо улар ҳали чорак финал масаласини тўла ҳал этишмади. Сўнгги турда Уммонга қарши майдонга чиқадиган Ўзбекистон терма жамоаси 2та тўп фарқи билан ғалаба қозонгани мақсадга мувофиқ. Шунда терма жамоамиз тақдири параллел кечадиган рақибларнинг ўзаро ўйинига боғлиқ бўлмайди.
ОФК U23, "А" гуруҳи, 2-тур
УММОН - ҚАТАР - 0:1
Гол: Акром Афиф (43)
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Қатар | 2 | 2 | 0 | 0 | 2-0 | 6 |
| 2 | Ўзбекистон | 2 | 1 | 0 | 1 | 1-1 | 3 |
| 3 | Хитой | 2 | 1 | 0 | 1 | 3-1 | 3 |
| 4 | Уммон | 2 | 0 | 0 | 2 | 0-4 | 0 |
