Hozirda Aleksandr Mochinov qo‘l ostida “So‘g‘diyona” futbolchilari navbatdagi mavsumga tayyorgarlikni Jizzaxda davom ettirishmoqda.

O‘tgan mavsumda O‘zbekiston kubogi uchrashuvlari doirasida “Orol” jamoasi safida “So‘g‘diyona”ga qarshi to‘p surgan hamda ushbu jamoaga bosh murabbiy bo‘lib ishlagan Temur Turdiyev endilikda Aleksandr Mochinovga yordamchi murabbiy vazifasini bajarmoqda. Mashg‘ulotlar zamonaviy va qiziqarli tarzda olib borilmoqda. Ertalabki mashg‘ulot futbolchilarning jismoniy holatini yaxshilashga qaratilgan bo‘lsa, kechki mashg‘ulotda futbolchilar qo‘proq to‘p bilan mashqlar bajarishadi.

Ana edi yangi kelganlar haqida.

O‘tgan mavsumda “Metallurg” jamoasida mazmunli o‘yinlarni qo‘rsatgan Doniyor Odilov, Dilmurod Karimov, “Neftchi”dan Otabek Haydarov, “Obod”dan Obid Hakimov va Farxod Mirahmatov va yana bir qator futbolchilar mashg‘ulotlarda faol ishtirok etmoqda. “Dinamo” jamoasidan kelib qo‘shilgan va "So‘g‘diyona" safida bir nechta o‘rtoqlik uchrashuvlarida maydonga tushgan Shohrux Xolmatov xorij klubidan taklif olganligi sababli jamoa lagerini tark etdi.

Yana bir muhim xabar! O‘tgan masumda esda qolarli harakatlari bilan jizzaxlik muxlislarni mehrini qozongan Ixtiyor Toshpo‘latov yana “So‘g‘diyona”da. Shuningdek, Shirinboy Abdullayev, Izzatilla Abdullayev, Sherzod Jalilov, Shohrux Dostonov, Azamat Isroilov, Elyor Orifov, Sardor Eminov, Sardor Qulmatov bilan shartnoma muddati uzaytirildi.

Mashg‘ulotlar hozircha Jizzaxda davom etmoqda. Belgilangan rejaga ko‘ra yig‘inning ikkinchi yarmi Toshkentda davom ettiriladi.Toshkentdagi yig‘in davomida bir qancha jamoalar bilan o‘rtoqlik uchrashuvlari o‘tkazilishi rejalashtirilgan hamda bir nechta futbolchilarning kelishi kutilmoqda. Ular haqida keyinroq rasmiy manbalarimiz orqali batafsil ma’lumot beramiz.

“So‘g‘diyona” matbuot xizmati