“Manchester Siti” bugun safarda “Liverpul”ga 3:4 hisobida mag‘lubiyatga uchradi.

Gap shundaki, ushbu mag‘lubiyat Pep Gvardiola shogirdlarining APLning joriy mavsumidagi birinchisi hisoblanadi. Bungacha “shaharliklar” “Everton” va “Kristal Pelas” kabi jamoalar bilan durang o‘ynashgandi.

“Manchester Siti” deyarli 9 oy – 2017 yilning 5 aprel kunidan beri mag‘lubiyat nimaligini bilmay kelardi. O‘shanda “Siti” “Chelsi” 1:2 hisobida imkoniyatni boy bergandi.

Ma’lumot uchun, “Manchester Siti” joriy mavsum barcha musobaqalardagi ikkinchi mag‘lubiyatini tan oldi. “Siti” dekabr oyida YECHL guruh bosqichining so‘nggi 6-turida “Shaxtyor”ga 2:1 hisobida yutqazgandi.