“Манчестер Сити” бугун сафарда “Ливерпуль”га 3:4 ҳисобида мағлубиятга учради.
Гап шундаки, ушбу мағлубият Пеп Гвардиола шогирдларининг АПЛнинг жорий мавсумидаги биринчиси ҳисобланади. Бунгача “шаҳарликлар” “Эвертон” ва “Кристал Пэлас” каби жамоалар билан дуранг ўйнашганди.
“Манчестер Сити” деярли 9 ой – 2017 йилнинг 5 апрель кунидан бери мағлубият нималигини билмай келарди. Ўшанда “Сити” “Челси” 1:2 ҳисобида имкониятни бой берганди.
Маълумот учун, “Манчестер Сити” жорий мавсум барча мусобақалардаги иккинчи мағлубиятини тан олди. “Сити” декабрь ойида ЕЧЛ гуруҳ босқичининг сўнгги 6-турида “Шахтёр”га 2:1 ҳисобида ютқазганди.
