Toshkentda yig‘in o‘tkazayotgan "Qo‘qon-1912" jamoasi ikkinchi nazorat uchrashuvini o‘tkazdi. Bu safargi raqib “Navbahor” bo‘ldi. Uchrashuvni futbolchilarimiz ancha faol tarzda boshlashdi, deb yozadi klub rasmiy sayti.
22-daqiqada navbahorchilar o‘z jarima maydonchalari ichida Suhrob Berdiyevga nisbatan qo‘pollik ishlatishdi. Bosh hakam esa penalti belgiladi. Penaltini Murod Xolmuhammedov aniq amalga oshirib hisobni ochdi.
89-daqiqada “Navbahor” futbolchilari jarima to‘pidan hisobni tenglashtirishdi. Gol muallifi – Ayubxon No‘’monov. No‘’monovning zarbasi ideal bo‘ldi. Abdullayev to‘p yo‘nalishi to‘g‘ri topgan edi. Darvozabonining qo‘liga tekkan to‘p oxir oqibat darvozamizdan o‘rin oldi.
Shu tariqa nazorat uchrashuvida jangovar durang qayd etildi.
Nazorat uchrashuvi
“Qo‘qon-1912” – “Navbahor” – 1:1 (1:0)
Bosh hakam: V. Seytlin.
Gollar: Murod Xolmuhammedov – 22 (pen). – Ayubxon No‘’monov – 89.
“Qo‘qon-1912”: O‘tkir Yusupov, Davron Hoshimov, Murod Holmuhammedov, Akmal Xolmurodov, Aleksandr Merzlyakov, Jamshid Hasanov, Quvondiq Ro‘ziyev, Doniyor Hasanov, Suhrob Berdiyev, Igor Taran, Bahodir Pardayev.
Zaxira: Muzaffar Abdullayev, Aziz Ashurov, Iqbol Malikjonov, Jalil Kimsanov, Bahodir Akramov, Muhammadanas Hasanov, Oybek Mirzohidov, Ibrohim Rahimov, Nosir Otaqo‘ziyev, Sobir Hamidov.
«Navbahor»: Mirzohid Mamatxonov, Avazxon Mamatxo‘jayev, Jahongir Mehmonov, Ilhom Boydedayev, Mirzohid G‘ofurov, Zohir Pirimov, Oston O‘runov, Dilshod Sharofutdinov, Ayubxon No‘’monov, Azizbek Turg‘unboyev, Azamat Allaniyozov.
Zaxira: Abdumavlon Abdujalilov, Ravshan Xursanov, Abbos G‘ulomov, Akmal Turg‘unboyev, Shohzamon Xayrullayev.
Toshkentdagi o‘quv- yig‘ini davomida "Qo‘qon-1912" jamoasi murabbiylari yana 2 ta o‘rtoqlik uchrashuvini o‘tkazishni o‘z rejalariga kiritishgan.
Keyingi nazorat o‘yini 18 yanvar kuni Pro Liga vakili “Lokomotiv-BFK” jamoasiga qarshi o‘tkaziladi.
Bundan tashqari 23 yanvar kuni “Buxoro” jamoalariga qarshi o‘yinlar o‘tkaziladi. Har ikki o‘yin Chilonzordagi "Paxtakor" stadionida bo‘lib o‘tadi.
