"Chelsi" bosh murabbiyi Antonio Konte oxirgi vaqtlarda jamoa yarimhimoyachisi Eden Azarni tez-tez almashtirmoqda. Mutaxassis futbolchining reaksiyasiga munosabatini bildirdi.

Eslatib o‘tamiz, belgiyalik 27 yoshli futbolchi oxirgi uchrashuvlarda faqat bir marta 90 daqiqa o‘ynadi xolos.

"Biz yaqinda jiddiy jarohat olib, opreasiya qilingan futbolchi haqida gapiryapmiz. Bunga odatda jiddiy e’tibor qaratish kerak.

Futbolchida yuksalishlar va sho‘ng‘ishlar bo‘ladi. U mavsumoldi tayyorgarlik davrimizni o‘tkazib yuborgan. Futbolchi doim yuqori saviyada bo‘lishni istashi - tabiiy. Mening vazifam - uni yaxshiroq saviyaga olib chiqish, jismoniy holatini optimal holatga keltirish va jamoa uchun muhim qarorlar chiqarish.

Men murabbiyman, men hal qilaman. Ma’lum futbolchining baxtiyorligi muhim emas. Sizni futbolchining baxtli yoki baxtsiz ekani juda qiziqtiradi. Bu muhim emas. Mening vazifam - jamoa va klub uchun eng yaxshi qarorlar qabul qilish. Har bir futbolchini baxtiyor qilish emas. Aks holda jadvalni 20-o‘rinda tugatishimiz mumkin", - deydi Konte.