"Челси" бош мураббийи Антонио Конте охирги вақтларда жамоа яримҳимоячиси Эден Азарни тез-тез алмаштирмоқда. Мутахассис футболчининг реакциясига муносабатини билдирди.

Эслатиб ўтамиз, бельгиялик 27 ёшли футболчи охирги учрашувларда фақат бир марта 90 дақиқа ўйнади холос.

"Биз яқинда жиддий жароҳат олиб, опреация қилинган футболчи ҳақида гапиряпмиз. Бунга одатда жиддий эътибор қаратиш керак.

Футболчида юксалишлар ва шўнғишлар бўлади. У мавсумолди тайёргарлик давримизни ўтказиб юборган. Футболчи доим юқори савияда бўлишни исташи - табиий. Менинг вазифам - уни яхшироқ савияга олиб чиқиш, жисмоний ҳолатини оптимал ҳолатга келтириш ва жамоа учун муҳим қарорлар чиқариш.

Мен мураббийман, мен ҳал қиламан. Маълум футболчининг бахтиёрлиги муҳим эмас. Сизни футболчининг бахтли ёки бахтсиз экани жуда қизиқтиради. Бу муҳим эмас. Менинг вазифам - жамоа ва клуб учун энг яхши қарорлар қабул қилиш. Ҳар бир футболчини бахтиёр қилиш эмас. Акс ҳолда жадвални 20-ўринда тугатишимиз мумкин", - дейди Конте.