“Barselona” yarim himoyachisi Andres Inyesta Ispaniya kubokining 1/4 finalidan o‘rin olgan “Espanyol”ga qarshi uchrashuvda maydonga tusha olmaydi. Ma’lumotlarga ko‘ra, 33 yoshli xavbekning o‘ng oyog‘ida biroz muammolar bor.
Bundan tashqari, chap tizzasidan jarohatlangan Xavyer Maskerano ham bugun jamoasiga yordam bera olmaydi.
Inyesta va Maskerano “Barselona” lazaretidagi Samuel Yumtiti, Pako Alkaser, Filippe Koutinyo va Usmon Dembele kabi futbolchilar qatoriga qo‘shilishdi.
Lekin“Real Sosyedad”ga qarshi uchrashuv (4:2) ni o‘tkazib yuborgan Nelson Semedu maydonga tushishga tayyor.
Kataloniyaliklarning yangi a’zosi Yerri Mina transfer ishlari to‘liq yakunlanmagani sabab qaydnomaga kiritilmagan.
Eslatib o‘tamiz, “Espanyol” – “Barselona” uchrashuvi bugun Toshkent vaqti bilan soat 01:00 da boshlanadi.