“Барселона” ярим ҳимоячиси Андрес Иньеста Испания кубокининг 1/4 финалидан ўрин олган “Эспаньол”га қарши учрашувда майдонга туша олмайди. Маълумотларга кўра, 33 ёшли хавбекнинг ўнг оёғида бироз муаммолар бор.

Бундан ташқари, чап тиззасидан жароҳатланган Хавьер Маскерано ҳам бугун жамоасига ёрдам бера олмайди.

Иньеста ва Маскерано “Барселона” лазаретидаги Самуэль Юмтити, Пако Алькасер, Филиппе Коутиньо ва Усмон Дембеле каби футболчилар қаторига қўшилишди.

Лекин“Реал Сосьедад”га қарши учрашув (4:2) ни ўтказиб юборган Нелсон Семеду майдонга тушишга тайёр.

Каталонияликларнинг янги аъзоси Йерри Мина трансфер ишлари тўлиқ якунланмагани сабаб қайдномага киритилмаган.

Эслатиб ўтамиз, “Эспаньол” – “Барселона” учрашуви бугун Тошкент вақти билан соат 01:00 да бошланади.