Ispaniya kubogi chorak final bosqichi doirasida dastlabki o‘yinlar bo‘lib o‘tmoqda. "Espanyol" va "Barselona" o‘rtasidagi Kataloniya derbisida Valverde shogirdlari so‘nggi daqiqalarda mag‘lub bo‘lishdi.

"Ko‘k-anorranglilar" ustozi mazkur o‘yinda bir qator yetakchilarga dam berishga qaror qildi. Mezbonlar esa ilk daqiqalardanoq tajavuzkor o‘yin namoyish qila boshlashdi. Mehmonlar esa ko‘plab standart vaziyatlarni amalga oshirgan bo‘lsalarda, ulardan foydalana olmadi. Hattoki, bahsning 61-daqiqasida Lionel Messi penaltidan samarali foydalana olmadi: zarbani darvozabon qaytardi. Uchrashuv tugashiga 2 daqiqa qolganida esa "Espanyol" futbolchisi Melendo "Barsa" darvozasini ishg‘ol qilib, dastlabki o‘yinda jamoasiga g‘alaba keltirdi.

"Barselona" avgust oyidan beri mag‘lubiyatsiz o‘yinlar seriyasini o‘tkazib kelayotgandi. Jamoa so‘nggi 5 oy ichida dastlabki mag‘lubiyatni qabul qilishga majbur bo‘ldi. Javob uchrashuvi bir haftadan keyin "Kamp Nou"da bo‘lib o‘tadi.

Ispaniya kubogi. 1/4 final, dastlabki o‘yin
17 yanvar. Barselona. "Kornelya El Prat".
ESPANYOL - BARSELONA - 1:0 (0:0).
Gol: Melendo, 88 (1:0).
Espanyol: Diyego Lopes, Mark Navarro, Karikol (Didak, 58), Naldo, Duarte, David Lopes, Viktor Sanches, Darder (Leo Baptistao, 46), Granero, Fuego (Melendo, 75), Moreno.
Barselona: Sillessen, Din, Pike, Vermalen, Vidal, Serxi Roberto, Buskets, Paulinyo (Rakitich, 54), Alenya (L. Suares, 59), D. Suares (Rafinya, 78), Messi.
Ogohlantirishlar: Karikol, 43; Moreno, 61; Viktor Sanches, 86; Diyego Lopes, 90+1 - Alenya, 45+1; Alba, 55 (maydon tashqarisida); Rakitich, 82; Vermalen, 84; L. Suares, 90+1.
Noaniq penalti: Messi, 61 (darvozabon).