Испания кубоги чорак финал босқичи доирасида дастлабки ўйинлар бўлиб ўтмоқда. "Эспаньол" ва "Барселона" ўртасидаги Каталония дербисида Вальверде шогирдлари сўнгги дақиқаларда мағлуб бўлишди.

"Кўк-анорранглилар" устози мазкур ўйинда бир қатор етакчиларга дам беришга қарор қилди. Мезбонлар эса илк дақиқаларданоқ тажавузкор ўйин намойиш қила бошлашди. Меҳмонлар эса кўплаб стандарт вазиятларни амалга оширган бўлсаларда, улардан фойдалана олмади. Ҳаттоки, баҳснинг 61-дақиқасида Лионель Месси пенальтидан самарали фойдалана олмади: зарбани дарвозабон қайтарди. Учрашув тугашига 2 дақиқа қолганида эса "Эспаньол" футболчиси Мелендо "Барса" дарвозасини ишғол қилиб, дастлабки ўйинда жамоасига ғалаба келтирди.

"Барселона" август ойидан бери мағлубиятсиз ўйинлар сериясини ўтказиб келаётганди. Жамоа сўнгги 5 ой ичида дастлабки мағлубиятни қабул қилишга мажбур бўлди. Жавоб учрашуви бир ҳафтадан кейин "Камп Ноу"да бўлиб ўтади.

Испания кубоги. 1/4 финал, дастлабки ўйин
17 январь. Барселона. "Корнелья Эль Прат".
ЭСПАНЬОЛ - БАРСЕЛОНА - 1:0 (0:0).
Гол: Мелендо, 88 (1:0).
Эспаньол: Диего Лопес, Марк Наварро, Кариколь (Дидак, 58), Налдо, Дуарте, Давид Лопес, Виктор Санчес, Дардер (Лео Баптистао, 46), Гранеро, Фуэго (Мелендо, 75), Морено.
Барселона: Силлессен, Динь, Пике, Вермален, Видаль, Серхи Роберто, Бускетс, Паулиньо (Ракитич, 54), Аленья (Л. Суарес, 59), Д. Суарес (Рафинья, 78), Месси.
Огоҳлантиришлар: Кариколь, 43; Морено, 61; Виктор Санчес, 86; Диего Лопес, 90+1 - Аленья, 45+1; Альба, 55 (майдон ташқарисида); Ракитич, 82; Вермален, 84; Л. Суарес, 90+1.
Ноаниқ пенальти: Месси, 61 (дарвозабон).