Fransiyaning PSJ klubi hujumchisi Neymar “Dijon”ga qarshi o‘yin (8:0) da muxlislar g‘azabiga duchor bo‘ldi.

Gap shundaki, o‘yinda o‘n bir metrlik jarima zarbasi belgilandi, Neymar bu imkoniyatdan to‘g‘ri foydalandi. Lekin shunga qaramay, muxlislar undan norozi bo‘lishdi.

Ma’lum bo‘lishicha agarda Neymar jamoadoshi Kavaniga penaltini amalga oshirish xuquqini berganida, Edinson Zlatan Ibragimovichdan gollar soni bo‘yicha o‘tib ketardi.

Ammo Neymar buni tushunmadi. Shundan so‘ng muxlislar baralla ovoz bilan “Ka-va-ni, Ka-va-ni!” deb qichqiraverishdi.

Eslatib o‘tamiz, Neymar bu uchrashuvda o‘z xisobiga to‘rtta, gol va ikkita golli pas yozib qo‘ydi.