Франциянинг ПСЖ клуби ҳужумчиси Неймар “Дижон”га қарши ўйин (8:0) да мухлислар ғазабига дучор бўлди.
Гап шундаки, ўйинда ўн бир метрлик жарима зарбаси белгиланди, Неймар бу имкониятдан тўғри фойдаланди. Лекин шунга қарамай, мухлислар ундан норози бўлишди.
Маълум бўлишича агарда Неймар жамоадоши Каванига пенальтини амалга ошириш хуқуқини берганида, Эдинсон Златан Ибрагимовичдан голлар сони бўйича ўтиб кетарди.
Аммо Неймар буни тушунмади. Шундан сўнг мухлислар баралла овоз билан “Ка-ва-ни, Ка-ва-ни!” деб қичқираверишди.
Эслатиб ўтамиз, Неймар бу учрашувда ўз хисобига тўртта, гол ва иккита голли пас ёзиб қўйди.
