FIFA yosh o‘yinchilar bilan shartnoma tuzishda qoida buzilishi mumkinligi yuzasidan "Chelsi" klubini tekshirmoqda.

Avvaliga Bertran Traorening "Chelsi"ga transferi FIFA e’tiborini tortdi. Burkina Faso mamlakatining futbolchisi londonliklar bilan 18 yoshida shartnoma imzolagan, ammo norasmiy uchrashuvlarda 16 yoshidan ishtirok etshgan. Bu FIFA qoidalariga zid.

Klublarga boshqa mamlakatlarning 18 yoshga to‘lmagan futbolchilari bilan shartnoma imzolash ma’n qilingan. Agar futbolchining ota-oansi bu mamlakatga futbol bilan bog‘liq bo‘lmagan ravishda ko‘chib kelgan bo‘lsa yoki klub bilan futbolchi yashagan joy milliy chegara 50 kilometr atrofida bo‘lsa bu taqiq kuchini yo‘qotadi. Shuningdek, Yevropa Ittifoqi va Yevropa iqtisodiy zonasi doirasida 16 dan 18 yoshgacha bo‘lgan futbolchilar bilan shartnoma tuzilishiga ruxsat bor.

Yosh futbolchilarni qo‘shib olishda "Chelsi" yo‘l qo‘ygan qoidabuzarliklar soni 25 ta bo‘lishi mumkin. Ammo "Chelsi" klubi buni inkor qilmoqda. Agar londonliklarning qoidani buzganlari tasdiqlansa, ularga transfer taqiqi qo‘yilishi mumkin.

O‘tgan yillarda FIFA bu kabi jazoni "Real", "Barselona" va "Atletiko" klublariga qo‘llagan.