ФИФА ёш ўйинчилар билан шартнома тузишда қоида бузилиши мумкинлиги юзасидан "Челси" клубини текширмоқда.
Аввалига Бертран Траоренинг "Челси"га трансфери ФИФА эътиборини тортди. Буркина Фасо мамлакатининг футболчиси лондонликлар билан 18 ёшида шартнома имзолаган, аммо норасмий учрашувларда 16 ёшидан иштирок этшган. Бу ФИФА қоидаларига зид.
Клубларга бошқа мамлакатларнинг 18 ёшга тўлмаган футболчилари билан шартнома имзолаш маън қилинган. Агар футболчининг ота-оанси бу мамлакатга футбол билан боғлиқ бўлмаган равишда кўчиб келган бўлса ёки клуб билан футболчи яшаган жой миллий чегара 50 километр атрофида бўлса бу тақиқ кучини йўқотади. Шунингдек, Европа Иттифоқи ва Европа иқтисодий зонаси доирасида 16 дан 18 ёшгача бўлган футболчилар билан шартнома тузилишига рухсат бор.
Ёш футболчиларни қўшиб олишда "Челси" йўл қўйган қоидабузарликлар сони 25 та бўлиши мумкин. Аммо "Челси" клуби буни инкор қилмоқда. Агар лондонликларнинг қоидани бузганлари тасдиқланса, уларга трансфер тақиқи қўйилиши мумкин.
Ўтган йилларда ФИФА бу каби жазони "Реал", "Барселона" ва "Атлетико" клубларига қўллаган.
