«Chelsi» klubi bosh murabbiyi Antonio Konte Angliya Kubogi doirasida «Norvich Siti»ga (1:1 va penaltilar bo‘yicha: 5:3) qarshi kechgan uchrashuvdagi Alvaro Morataning qizil kartochkasi borasida o‘z fikrlarini bildirib o‘tdi. Morata 121-daqiqada ikkita sariq kartochka olib maydonni tark etgan.

«Agar bu simulyasiya bo‘lgan bo‘lsa, unda albatta sariq kartochka berish kerak. Men bahsli qarorlar bizning foydamizga ishlashini xohlamayman, ayniqsa yangi tizim ishga tushirilgan paytda. Biroq, kimdur turtib yuborgan yoki tirsagi bilan o‘ynagan bo‘lsa ushbu vaziyatga ham e’tibor qaratish zarur.

Men Morataning ikkinchi sariq kartochkasidan jaxlim chiqdi. Birinchisi bahsli holatda yuz berdi, biroq men bu holatni ko‘rib chiqqanim yo‘q. Ikkinchi sariq esa hakam bilan tortishganlik uchun berildi. Bunday muhim vaziyatlarda jamoani qiyin  ahvolga solib qo‘ymaslik uchun sovuqqonlikni saqlash zarur», — deydi Konte.

Ushbu bahsda shuningdek, Pedro Rodriges ham qizil kartochka olgan.