«Челси» клуби бош мураббийи Антонио Конте Англия Кубоги доирасида «Норвич Сити»га (1:1 ва пенальтилар бўйича: 5:3) қарши кечган учрашувдаги Альваро Моратанинг қизил карточкаси борасида ўз фикрларини билдириб ўтди. Мората 121-дақиқада иккита сариқ карточка олиб майдонни тарк этган.
«Агар бу симуляция бўлган бўлса, унда албатта сариқ карточка бериш керак. Мен баҳсли қарорлар бизнинг фойдамизга ишлашини хоҳламайман, айниқса янги тизим ишга туширилган пайтда. Бироқ, кимдур туртиб юборган ёки тирсаги билан ўйнаган бўлса ушбу вазиятга ҳам эътибор қаратиш зарур.
Мен Моратанинг иккинчи сариқ карточкасидан жахлим чиқди. Биринчиси баҳсли ҳолатда юз берди, бироқ мен бу ҳолатни кўриб чиққаним йўқ. Иккинчи сариқ эса ҳакам билан тортишганлик учун берилди. Бундай муҳим вазиятларда жамоани қийин аҳволга солиб қўймаслик учун совуққонликни сақлаш зарур», — дейди Конте.
Ушбу баҳсда шунингдек, Педро Родригес ҳам қизил карточка олган.
