Kataloniyaning “Barselona” klubi “Atletiko” hujumchisi Antuan Grizmann transferi borasida raddiya berdi. Unga ko‘ra, klub va futbolchi orasida hech qanday kelishuv bo‘lmagan.

“Barselona” har qanday holatda ham turli xil OAV nashrlarida Antuan Grizmann haqida chiqayotgan yangiliklarni rad etadi. “Barselona” Grizmann bilan kelishib olmagan”, – deyiladi “Barselona” rasmiy saytida yozilgan xabar matnida.

Eslatib o‘tamiz, avvalroq “Barselona” Grizmanni yozgi transferlar mavsumida o‘z safiga qo‘shib olishi haqida xabarlar paydo bo‘lgandi.