Каталониянинг “Барселона” клуби “Атлетико” ҳужумчиси Антуан Гризманн трансфери борасида раддия берди. Унга кўра, клуб ва футболчи орасида ҳеч қандай келишув бўлмаган.
“Барселона” ҳар қандай ҳолатда ҳам турли хил ОАВ нашрларида Антуан Гризманн ҳақида чиқаётган янгиликларни рад этади. “Барселона” Гризманн билан келишиб олмаган”, – дейилади “Барселона” расмий сайтида ёзилган хабар матнида.
Эслатиб ўтамиз, аввалроқ “Барселона” Гризманни ёзги трансферлар мавсумида ўз сафига қўшиб олиши ҳақида хабарлар пайдо бўлганди.
