Kuni-kecha “Navbahor” futbol klubi muxlislarining yig‘ilishi bo‘lib o‘tdi. “Navbahor” markaziy o‘yingohining anjumanlar zalida bo‘lib o‘tgan yig‘ilishda bir qator masalalar ko‘rib chiqildi.
Xususan, muxlislar klubi tashkil etish uchun tegishli xujjatlar tayyorlanganligi ma’lum qilindi.
Muxlislar 2018 yilgi mavsum davomida “Navbahor” jamoasini munosib tarzda qo‘llab-quvvatlash, o‘yingohda etika va estetika qonun-qoidalariga rioya qilish kerakligini, turli tashkilotlarga bemaqsad murojaatlarni to‘xtatish lozimligi e’tirof etildi.
Shuningdek, yigilishda muxlislar klubi sardori ham saylandi. Ishqibozlar nomzod sifatida ko‘rsatilgan faol muxlislardan biri Farhod Umaraliyev muxlislar klubi sardori etib saylandi.
“Navbahor” FK matbuot xizmati.
