Bugun, 27 yanvar kuni Xitoyda bo‘lib o‘tayotgan yoshlar o‘rtasidagi Osiyo chempionatining hal qiluvchi final bahsi bo‘lib o‘tmoqda. Hozir o‘yinning birinchi bo‘limi yakunlandi.
Unda O‘zbekiston terma jamoasi qorli maydonda Vyetnam terma jamoasi bilan bahs olib bordi.
O‘yinning 8-daqiqasida burchakdan oshirib berilgan uzatmani Rustam Ashurmatov bosh bilan darvozaga yo‘llab, hisobni ochdi.
10-daqiqada Jasur Yaxshiboyev asabiylashgani uchun sariq kartochka bilan ogohlantirildi. Shundan so‘ng yana O‘zbekiston terma jamoasi vakili Odiljon Xamrobekovga 35-daqiqada sariq kartochka ko‘rsatildi.
Oradan biroz vaqt o‘tib, 41-daqiqada Nguyen Xay yaqin masofadan belgilangan jarima zarbasini muvaffaqiyatli amalga oshirib, hisobni tenglashtirdi.
Birinchi bo‘lim shu hisobda yakuniga yetdi va jamoalar tanaffusga yo‘l olishdi. Tanaffus vaqtida maydonda yog‘gan qorni tozalash ishlari amalga oshirildi. Orada kichik tanaffus yuzaga keldi.
Akmalxon Eshonxonov
