Xitoyda 23 yoshgacha futbolchilar o‘rtasidagi Osiyo chempionati finali o‘z yakuniga yetdi.
Finalda O‘zbekiston terma jamoasi Vyetnamga qarshi bahs olib bordi. 8-daqiqada burchakdan oshirib berilgan to‘pni Rustam Ashurmatov boshi bilan darvozaga aniq yo‘llab hisobni ochdi. Keyin Vyetnam terma jamoasi hujumchisi Nguyen Xay jarimadan aniq zarba yo‘llab, hisobni tenglashtirdi.
Birinchi bo‘lim 1:1 hisobidagi durang bilan nihoyasiga yetdi. Ikkinchi bo‘lim kuchli qor tufayli 50 daqiqaga kechiktirildi. O‘yinning asosiy vaqtida hisob o‘zgarmadi. Navbat ikkita ekstra taymlarga yetdi. 2-qo‘shimcha bo‘limning so‘nggi daqiqasida zaxiradan maydonga tushgan Andrey Sidorov burchakdan oshirib berilgan to‘pni darvozaga aniq yo‘llab, O‘zbekistonga chempionlikni taqdim qildi.
E’tiboringizga uchrashuvdagi barcha gollar va taqdirlash marosimidan videolavhani havola qilamiz.
