Angliya kubogining 1/16 final bosqichi doirasida yana bir nechta o‘yinlar bo‘lib o‘tdi.

"Tottenxem" safarda quyi liga jamoalaridan biri "Nyuport" mehmoni bo‘ldi va so‘nggi daqiqalarda mag‘lubiyatdan qutulib qoldi. Birinchi bo‘lim tugashiga 7 daqiqa qolganida mezbonlar hisobni ochishdi. Bahsning 82-daqiqasida esa Xarri Keyn muvozanatni tiklashga muvaffaq bo‘ldi. Mazkur to‘qnashuv taqdiri "Tottenxem" maydonida bo‘ladigan takroriy o‘yinda hal bo‘ladi.

"Liverpul" esa kutilmaganda o‘z uyida yutqazib qo‘ydi. Mersisaydliklar "Vest Bromvich"ni qabul qilib, 2:3 hisobida imkoniyatni boy berishdi. Mezbonlar hisobni ochganiga qaramay, "Vest Bromvich" tanaffusga qadar "Liverpul" darvozasini 3 marta ishg‘ol qildi. Ikkinchi bo‘limda Saloh raqib darvozasiga 1 marta yo‘l topdi. Shu tariqa, Klopp jamoasi musobaqani tark etdi. "Liverpul" so‘nggi 3 yil davomida Angliya kubogining aynan shu bosqichidan chiqib ketmoqda.

Angliya kubogi, 1/16 final
Nyuport – Tottenxem 1:1 (1:0, 0:1)
Gollar: 1:0 – 38 Eymond, 1:1 – 82 Keyn.
Nyuport – Dey, Uayt, Demetriu, Bennett, Tozer, Uillmott, Payp, Lebedi (Dolan, 84), Batler, Nubl, Eymond (Makkulski, 74).
Tottenxem – Vorm, Foyt, Uoker-Piters (Son Xin Min, 46), Trippyer, Vertongen, Sissoko, Dayer, Vanyama, Dembele (Devis, 81), Lyorente (Alli, 66), Keyn.
Ogohlantirishlar: Lebedi (32), Foyt (87).

Liverpul – Vest Bromvich 2:3 (1:3, 1:0)
Gollar: 1:0 – 5 Firmino, 1:1 – 7 Rodriges, 1:2 – 11 Rodriges, 1:3 – 45, avtogol Matip, 2:3 – 78 Saloh.
Liverpul – Minyole, Matip, Moreno, Aleksander-Arnold, van Deyk, Firmino, Oksleyd-CHemberlen (Ingz, 65), Mane (Xenderson, 65), Veynaldum, Saloh, Jan (Milner, 65).
Vest Bromvich – Foster, Evans, Gibbs (Xegazi, 37), Nyom, Douson, Berri (YAkob, 71), Brant, Krixovyak, Livermor, Robson-Kanu (Fillips, 39), Rodriges.
Ogohlantirishlar: Berri (26), Jan (61), Douson (83), Xegazi (85).