Uchrashuv kutilganidek shiddatli boshlandi. 7-daqiqada jarima to‘pini tepish huquqiga ega bo‘ldik. Muhammadanas Hasanovning zarbasi biroz noaniq bo‘ldi. 26-daqiqada ajoyib kombinasiya tashkil etdik. So‘nggi pallada Bahodir Pardayevning zarbasiga aniqlik yetishmadi. 28-daqiqada futbolchilarimiz hisobni ochishdi. Bahodir Pardayev raqib dlarvozasini aniq nishonga oldi. Oradan bir daqiqa o‘tib hisobni oshirishimiz mumkin edi. Nosir Otaqo‘ziyevning boshi bilan bergan zarbasini raqib darvozaboni qiyinchilik bilan qaytarib qoldi.
37-daqiqada hisobni oshirdik. Jarimadan oshirilgan to‘pni Bahodir Pardayev boshi bilan quvasoyliklar darvozasiga aniq yo‘lladi.
42-daqiqasida bugun tug‘ilgan kunini nishonlayotgan Nosir Otaqo‘ziyev raqib darvozasini ishg‘ol etib, hisobni yirik ko‘rinishga keltirib qo‘ydi. Birinchi taym shu hisobda yakunlandi.
Ikkinchi bo‘limni futbolchilarimiz shiddatli tarzda boshlashdi. 52-daqiqada Jamshid Hasanovning zarbasi biroz noaniq bo‘ldi. 55-daqiqada Jamshid To‘raqulov hisobni qisqartirdi. 67-daqiqada futbolchilarimiz chiroyli kombinasiya tashkil etishdi. Nosir Otaqo‘ziyev qulay vaziyatga chiqib borib, zarba berdi. Raqib posboni o‘z o‘rnida.
75-daqiqada burchak to‘pidan keyin futbolchilarimiz to‘rtinchi golni kiritishdi. Jarima maydonchasida kerakli joyda paydo bo‘lgan Igor Taran raqib darvozasini ishg‘ol etdi.
83-daqiqada serbiyalik legioner Nenad Lukich jamoamizning beshinchi goliga mualliflik qildi.
Uchrashuv yakuniga qadar shu hisob o‘zgarishsiz qoldi. Natijada jamoamiz “Viloyat hokim kubogi-2018”dagi birinchi g‘alabasini qo‘lga kiritdi.
“Viloyat Hokim Kubogi-2018”
“A” guruhi
2-tur
“Qo‘qon-1912” – “Sementchi” – 5:1 (3:0)
Hakamlar: Olim To‘ychiboyev, Ravshan Kapadze, Shoxrux A’zamov.
Nazoratchi: A. O‘rinov.
Gollar: Bahodir Pardayev – 28, 37, Nosir Otaqo‘ziyev – 42, Igor Taran-75, Nenad Lukich-83. – Jamshid To‘raqulov-55.
«Qo‘qon-1912»: 12. O‘tkir Yusupov, 4. Bahodir Akramov (14. Doniyor Hasanov-46), 7. Jamshid Hasanov (23. Aleksandr Merzlyakov-70), 9. Nosir Otaqo‘ziyev (17. Igor Taran-70), 18. Bahodir Pardayev (11. Nenad Lukich-46), 19. Suhrob Berdiyev (8. Sobir Hamidov-70), 77.Murod Holmuhammedov, 26. Akmal Xolmurodov (5. Jalil Kimsanov-46), 27. Davron Hoshimov, 70. Quvondiq Ro‘ziyev, 96. Muhammadanas Hasanov.
Zaxira: 21. Muzaffar Abdullayev.
«Sementchi»: 80. Shuhrat Rahmonov, 2. Bobur Isroilov 4. Zafar Isroilov, 5. Elbek Qoraboyev, 7 . Shoxruh Murodov, 8. Aziz Fozilov, 10. Mamatvali Nuriddinov, 13. Jamshid Qobilov,15. Nozim Bobojonov, 18. Jamshid To‘raqulov, 19. Elamon Karimov.
Zaxira: 1. Nodir Muhammadjonov, 6. Rustam Solijonov, 9. Abduqodir Artiqov, 14. Ilhom Vahobov, 22. Jahongir Ikromov, 23. Sherzod Sohibjonov, 27. Doston Rashidov.
