Avval xabar berilganidek, shu yilning 1-11 fevral kunlari Xitoy Taypeyida futzal bo‘yicha Osiyo chempionati bo‘lib o‘tadi.
Kecha futzalchilarimiz Islom Karimov nomidagi “Toshkent Xalqaro Aeroporti”dan Xitoy Taypeyiga uchib ketishganini ma’lum qilgandik.
Bugun Bahodir Ahmedov boshchiligidagi terma jamoamiz a’zolari Xitoy Taypeyiga yetib borib, Fullon Hotel Sanyin mehmonxonasiga joylashishdi.
Futzalchilarimiz bugunning o‘zida Taypey Universitetiga qarashli sport majmuasida mashg‘ulotlarni boshlab yuborishdi.
Futzal bo‘yicha O‘zbekiston terma jamoasi Osiyo chempionatining “V” guruhida Janubiy Koreya, Yaponiya, Tojikiston terma jamoalariga qarshi bahs olib boradi.
Guruhdagi o‘yinlar taqvimi quyidagicha:
1 fevral soat 13:30* O‘zbekiston – Janubiy Koreya
3 fevral soat 13:30 Tojikiston – O‘zbekiston
5 fevral soat 13:30 O‘zbekiston - Yaponiya
*Uchrashuvlar boshlanish vaqti Toshkent vaqti bilan ko‘rsatilgan.
