“Lester” Riyad Mahrezni qishki transferlar vaqtida “Manchester Siti”ga sotishni istamadi. Bu haqda uning do‘sti fikr bildirdi.

“Mahrez oxirgi ikki kunda sodir bo‘lgan voqealardan darg‘azab. U “Lester” nima qilayotganini tushunmayapti. Bu transfer to‘rtinchisi, “Lester” allaqachon Mahrezni qo‘yib yuborishi kerak edi. Riyad jamoa uchun hamma narsa qildi, chempionlikka erishishiga yordam berdi va keyin ham klubda qoldi. Endi esa “Lester” prezidenti Mahrezning jamoaga Chempionshipga tushib ketmaslik uchun yordam berishini istayapti”, dedi jazoirlik futbolchining do‘sti.