Ispaniya La ligasining 22-turi doirasida "Levante" klubi o‘z maydonida "Real"ni qabul qildi. E’tiborli tomoni, birinchi davra bo‘lgani kabi madridliklar bu safar ham raqibni mag‘lub eta olishmadi.

Barchasi Zidan jamoasi uchun omadli boshlandi. Bahsning 11-daqiqasida Serxio Ramos "Levante" darvozasini ishg‘ol qildi. Ammo birinchi bo‘limga tugashiga 3 daqiqa qolganida Emmanuel Boateng hisobni tenglashtirishga muvaffaq bo‘ldi.

Ikkinchi bo‘limda "Real" to‘liq ustunlikka ega bo‘ldi. "Qirollik klubi" futbolchilari (Ronaldu, Benzema, Ramos) 3ta juda qulay vaziyatlardan foydalana olishmadi. Shunga qaramay, o‘yin tugashiga 8 daqiqa qolganida Isko o‘z imkoniyatidan foydalanib, jamoasini hisobda oldinga olib chiqdi.

Ammo madridliklarni g‘alabani ushlab qola olmadilar. Dastlab Roxer 2-3 metr masofadan bosh bilan darvozaga aniq zarba bera olmagan bo‘lsa, uchrashuvning asosiy vaqti tugashiga 1 daqiqa qolganida Passini birga-bir vaziyatda Navasni dog‘da qoldira oldi.

Shu tariqa, "Real"ning peshqadam "Barselona"dan ortda qolishi 21 ochkoga yetishi mumkin.

Ispaniya La ligasi, 22-tur
Levante – Real Madrid 2:2 (1:1, 1:1)
Gollar: 0:1 – 11 Ramos, 1:1 – 42 Boateng, 1:2 – 81 Isko, 2:2 – 89 Passini.
Levante – Olasabal, Postigo, Luna, Koke, Rober, Lukich, Lerma (Marti, 68), Dukure, Morales, Ivi Lopes (Passini, 77), Boateng (Jeyson, 60).
Real Madrid – Navas, Varan, Marselo, Karvaxal, Ramos, Modrich, Kazemiro, Kroos (Vaskes, 90), Beyl (Isko, 66), Ronaldu (Asensio, 82), Benzema.
Ogohlantirishlar: Dukure (13), Ramos (21), Ivi Lopes (26), Asensio (84), Koke (88), Varan (90).