«Liverpul» 18 yoshli kolumbiyalik himoyachi Anderson Arroyoni sotib oldi. Bu haqda klub rasmiy sayti xabar tarqatdi.

Manba bergan ma’lumotga ko‘ra, Arroyo jamoa bilan yangi shartnoma imzolagan zahoti birdaniga «Malyorka»ga olti oyga ijaraga berildi.

Anderson Arroyo katta yoshlilar o‘rtasida 15 yoshidayoq debyut qilgan. Futbolchining birinchi klubi «Fortaleza Sipakira» bo‘lib u yerda futbolchi 22 uchrashuvda maydonga tushgandi.

«Malyorka» hozirgi vaqtda Ispaniyaning nufuzi jihatdan uchinchi ligasi sanalgan Segunda Vda kurashni davom ettirmoqda. Jamoa ortda qolgan 24 turdan so‘ng o‘z guruhida 53 ochko bilan yetakchilik qilmoqda.