«Ливерпуль» 18 ёшли колумбиялик ҳимоячи Андерсон Арройони сотиб олди. Бу ҳақда клуб расмий сайти хабар тарқатди.
Манба берган маълумотга кўра, Арройо жамоа билан янги шартнома имзолаган заҳоти бирданига «Мальорка»га олти ойга ижарага берилди.
Андерсон Арройо катта ёшлилар ўртасида 15 ёшидаёқ дебют қилган. Футболчининг биринчи клуби «Форталеза Сипакира» бўлиб у ерда футболчи 22 учрашувда майдонга тушганди.
«Мальорка» ҳозирги вақтда Испаниянинг нуфузи жиҳатдан учинчи лигаси саналган Сегунда Вда курашни давом эттирмоқда. Жамоа ортда қолган 24 турдан сўнг ўз гуруҳида 53 очко билан етакчилик қилмоқда.
