«PSJ» va Braziliya terma jamoasi himoyachisi Dani Alves FIFA.com saytiga intervyu berdi. Suhbat chog‘ida «PSJ», Neymar, Messi va JCH-2018 haqidagi fikrlari bilan o‘rtoqlashdi.
U nomdor klublar safida faoliyat olib borib o‘nlab sovrinlarni qo‘lga kiritgan. Bundan tashqari, deyarli o‘n yildan buyon Braziliya terma jamoasining asosiy tarkib o‘yinchilaridan biridir.
- Dani, siz «Sevilya», «Barselona» va «Yuventus» bilan bir qator sovrinlarni qo‘lga kiritgansiz. Sovrinlarga boy bo‘lmagan «PSJ»ni tanlashingizga nima sabab bo‘ldi?
- Aynan shu jihat qaror qabul qilishimda muhim rol o‘ynadi. Xarakterim tinch yashashimga yo‘l qo‘ymaydi. Yangi sinovlarni eshitganda qonim junbushga keladi.
Klub tarixidagi yangi sahifani ochishga harakat qilaman. Mana, «PSJ»ga o‘tishimning asl sababi. Buning ustiga, Parijdek buyuk shaharda yashash imkoniyatiga ega bo‘ldim.
Ayrimlar bu o‘tishimni pulga bog‘lashlari mumkin. Lekin bunday emas. Chunki, oldimda bundanda yaxshiroq takliflar ham bor edi. Umuman olganda, shunday tajribaga egaman.
Misol uchun «Barselona»ga o‘tganimda kataloniyaliklar tiklanish jarayonida edilar. Ketganimda esa tarixdagi eng yaxshi jamoaga aylangandi. Maqsadim shunday quvonchga yana tuyish. Parijda ham g‘alaba qozonishni istayman.
- Neymarning «PSJ»ga o‘tishida sizning rolingiz qanchalik bo‘ldi?
- Bu transferdan umuman ishtirok etmadim. Lekin u «Barselona»ga o‘tganida nimalarnidir qilganman. Unga maslahatlar berganman, klub va shahar haqida aytib bergandim.
Bu safar esa siz o‘ylagandek bo‘lmadi. Shunchaki, Parijga undan oldinroq keldim. U bir qarorga kelishda qiynalayotgan paytda, «Qalbing buyurganini qil, shunday afsuslanmaysan» deb maslahat berdim, xolos.
- Nima deb o‘ylaysiz, Neymar jahonning eng yaxshi futbolchisi bo‘lish uchun yetilib bo‘ldimi?
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
