“Manchester Yunayted” muxlislari jamoaning yanvar oyidagi eng yaxshi futbolchisi sifatida Antoni Marsyalni e’tirof etishdi.
“Qizil iblislar”ning Twitter sahifasida o‘tkazilgan so‘rovnomada Marsyal 50 foiz ovoz to‘plashga muvaffaq bo‘ldi, undan keyingi o‘rinni 35 foiz ovoz bilan Jessi Lingard egalladi. Lyuk Shou esa 15 foiz bilan so‘nggi o‘rinni band etdi.
Ma’lumot uchun, fransiyalik futbolchi uchun ushbu sovrin joriy mavsumdagi uchinchisi hisoblanadi. Avvalroq u sentyabr va oktyabr oylarida jamoaning eng yaxshi futbolchisi bo‘lgandi.
Marsyal yanvar oyidagi uchta uchrashuvning barchasida gol urdi va ikki marta Romelu Lukakuning gollariga pas berdi. Antoni joriy mavsum 11 ta gol urish bilan birga 9 marta golga assistentlik vazifasini bajardi.
