“Манчестер Юнайтед” мухлислари жамоанинг январь ойидаги энг яхши футболчиси сифатида Антони Марсьялни эътироф этишди.

“Қизил иблислар”нинг Twitter саҳифасида ўтказилган сўровномада Марсьяль 50 фоиз овоз тўплашга муваффақ бўлди, ундан кейинги ўринни 35 фоиз овоз билан Жесси Лингард эгаллади. Люк Шоу эса 15 фоиз билан сўнгги ўринни банд этди.

Маълумот учун, франциялик футболчи учун ушбу соврин жорий мавсумдаги учинчиси ҳисобланади. Аввалроқ у сентябрь ва октябрь ойларида жамоанинг энг яхши футболчиси бўлганди.

Марсьяль январь ойидаги учта учрашувнинг барчасида гол урди ва икки марта Ромелу Лукакунинг голларига пас берди. Антони жорий мавсум 11 та гол уриш билан бирга 9 марта голга ассистентлик вазифасини бажарди.