“Barselona” hujumchisi Luis Suares “Valensiya”ga qarshi Ispaniya kubogi yarim finali javob o‘yinining taqdiri qo‘shimcha taymlarda hal bo‘lishi mumkinligini inkor qilmadi.
“Raqibimiz juda kuchli. “Valensiya” — La Ligadagi eng kuchli jamoalardan biri. Biz birinchi o‘yinda himoyada ishonchli o‘ynagandik. Ammo javob bahsida “Mestalya”da bu oson bo‘lmaydi. Biz gol o‘tkazmasligimiz va gol urish uchun eng kichik imkoniyatdan ham foydalanishimiz kerak. O‘yin taqdiri, ehtimol, qo‘shimcha taymlarda hal bo‘lar. Chunki o‘yin juda qiyin kechadi”, dedi Suares.
