“Барселона” ҳужумчиси Луис Суарес “Валенсия”га қарши Испания кубоги ярим финали жавоб ўйинининг тақдири қўшимча таймларда ҳал бўлиши мумкинлигини инкор қилмади.
“Рақибимиз жуда кучли. “Валенсия” — Ла Лигадаги энг кучли жамоалардан бири. Биз биринчи ўйинда ҳимояда ишончли ўйнагандик. Аммо жавоб баҳсида “Месталья”да бу осон бўлмайди. Биз гол ўтказмаслигимиз ва гол уриш учун энг кичик имкониятдан ҳам фойдаланишимиз керак. Ўйин тақдири, эҳтимол, қўшимча таймларда ҳал бўлар. Чунки ўйин жуда қийин кечади”, деди Суарес.
