12 kun davom etgan an’anaviy musobaqa kecha o‘z poyoniga yetdi. O‘tgan shu kunlar farg‘onalik futbol ixlosmandlari uchun haqiqiy bayram bo‘ldi. Musobaqaning o‘zi esa yuqori saviyada tashkil qilindi.
IKKINCHI G‘OLIB – “NAVBAHOR”
Avval xabar berib o‘tganimizdek, joriy yilgi turnirning reglamenti o‘zgardi. Unga ko‘ra, “A” guruhida musobaqaning eng kuchli jamoalari to‘planishi va ular ichida ko‘p ochko olgan “Neftchi” jamoasi guruh peshqadami sifatida bosh sovrin sohibiga aylandi.
“V” va “S” guruhlari g‘oliblari – Oltiarikning “Iftixor” va Namanganning “Navbahor” jamoasi yoshlari ikkinchi g‘olibni aniqlash maqsadida final uchrashuvida maydonga tushishdi. Farg‘ona shahridagi FarDU stadionida o‘tkazilgan hal qiluvchi o‘yin shiddatli va keskin kurashlar ostida o‘tdi.
Uchrashuvning har ikki bo‘limida bittadan gol urgan namanganliklar 2:0 hisobida g‘alaba qozonishib, maxsus kubok qo‘lga kiritishdi.
“Viloyat hokim kubogi-2018”
Final
“Iftixor” – “Navbahor” – 0:2
Hakamlar: Olim To‘ychiboyev, Ravshan Kapadze, Shoxrux A’zamov.
“Iftixor”: Muhiddin Ahmedov, Tursunboy Husanov, Doniyor Turdiqulov, Oyaatullo Muhiddinov, Alyorbek Mahmudov, Otabek Haydarov, Hasanboy Ergashev, Muhiddin Yusupov, Karimberdi Mamadaliyev, Said Abdujabborov, Asror Tilavoldiyev.
Zaxira: Ulug‘bek Muhammadov, Kamron Qo‘ziboyev, Oybek Ahmatov, Shohjahon Hasanov, Dilmuhammad Xudoyberdiyev, Islom Hoshimov, Jasur Quvvataliyev.
“Navbahor: Mirzohid Mamatxonov, Hojiakbar Yunusov, Abbos G‘ulomov, Muzaffar Abdullayev, Rashid Valixonov, Bilol Toshtemirov, Akbarsho Rashidxonov, Iskandar Siddiqjonov, Shaxzod Hamidov, Yunus Abduvohidov, Akmal Turg‘unboyev.
Zaxira: Isroil Obidjonov, Javohir Olimjonov, Ahmad Mamadaliyev, Mahmud Najmiddinov, Alijon Alijonov, Farrux Umaraliyev, Isroil Abduraimov.
TAQDIRLASH MAROSIMI
Final uchrashuvi yakunlangach, taqdirlash marosimi o‘tkazildi. Unda Farg‘ona viloyati hokimi, viloyat futbol assosiasiyasi prezidenti Shuhrat Madaminovich G‘aniyev ishtirok etib, g‘oliblarni taqdirladi.
Demak, Farg‘onaning “Neftchi” jamoasiga “Viloyat hokim kubogi-2018” bosh sovrini nasib etdi. Namanganning “Navbahor” klubi esa ikkinchi kubok sohibiga aylandi.
Mukofotlarni “Neftchi” PFK raisi Muysinjon Mehmonov, “Navbahor” jamoasi yoshlar murabbiyi Mustafo Bayramovlar qabul qilib olishdi. Qolaversa, ushbu jamoalarning barcha futbolchilariga viloyat hokimligining estalik sovg‘alari nasib etdi.
Bundan tashqari, “A” guruhida ikkinchi o‘rinni olgan “Qo‘qon-1912” va finalda mag‘lub bo‘lgan “Iftixor” jamoalari ham taqdirlanishdi.
Shuningdek, taqdirlash marosimida bir qator nominasiyalar bo‘yicha eng yaxshilar taqdirlandi:
Musobaqaning eng yaxshi himoyachisi – Davron Mamatov (Neftchi)
Musobaqaning eng yaxshi yarim himoyachi – Abbos Maxstaliyev (Neftchi)
Musobaqaning eng yaxshi hujumchisi – Anvar Berdiyev (Neftchi)
Musobaqa to‘purari – Suhrob Berdiyev (Qo‘qon-1912).
Bandan tashqari, “Istiqlol” jamoasi yetakchisi Sanjar Asqaraliyev va bir qator hamkor tashkilotlar ham estalik sovg‘alar bilan taqdirlanishdi.
Shu tariqa, “Viloyat hokim kubogi-2018” yuqori saviyada o‘z poyoniga yetdi.
Abror DEHQONOV
