Angliyaning “Everton” klubi hujumchisi Jenk Tosun yangi jamoaga moslashish jarayoni qay tarzda kechayotgani haqida so‘zlab berdi.
“Yangi muhitga moslashib yashash oson emas. Turkiya bilan bu yerni farqi bor ekan. To‘g‘risi moslashish murakkab kechyapti. Bu haqda Sem Ellardays ham aytdi. Sem bilan o‘rtamizda hech qanday nizo yo‘q.
U menga APLga tezroq moslashib olishim uchun sharoit yaratib beryapti va jismoniy holatim maksimal darajaga yetsa, har doim asosiy tarkibda o‘ynashimni uqtirdi.
Turkiyaga qaytib boramanmi? Hozircha yo‘q. To‘g‘ri “Beshiktosh”ga muxlislik qilaman ammo “Everton” bilan biror natijaga erishmasdan ortga qaytish niyatim yo‘q. Maqsadim barchaga Jenk Tosun kim ekanligini ko‘rsatib qo‘yish”, - deydi Tosun.
Eslatib o‘tamiz, Jenk 27 million evaziga “Everton” jamoasi futbolchisiga aylangandi.