“Liverpul” klubi yarim himoyachisi Muhammad Saloh “Sautgempton”ga qarshi uchrashuv (2:0) dan so‘ng o‘z fikrlarini bildirib o‘tdi.

“O‘yinni yaxshi boshlash muhim hisoblanadi. Agar 10-15 daqiqalarga qadar gol urishni uddalasangiz, ortiqcha bosimlardan qutulasiz. O‘yinni yaxshi boshlaganimizdan qoniqdim, endi oldinga qarab harakat qilish kerak.

Natijalarim? Oldin ham aytganman, doim jamoaga yordam berishni istayman. Albatta, gollar jamoa joniga oro kiradi.

Shuning uchun natijalarimdan hayron bo‘layotganim yo‘q, barchasini unutib yana ko‘proq gollar urish haqida o‘ylayapman. Umid qilamanki, YECHLda ham ko‘p gollar uraman”, – deydi Saloh.