Germaniya terma jamoasining darvozabonlar murabbiyi Andreas Kyopke terma jamoa posboni Manuel Noyerning jahon chempionatida ishtirok etishiga umid qilmoqda.
Noyer ayni vaqtda jarohatini davolash bilan band.
"Uning mundialgacha sog‘ayib, unda ishtirok etishiga umid qilyapman. Manuel 2014 yildagi mundial oldidan tayyorlanish uchun ko‘p vaqt ketmasligini isbotlagan edi. U Germaniya kubogi finalida jarohat olib jahon chempionatigacha deyarli shug‘ullanmagan edi. Men Manuel bilan aloqada bo‘lib turibman va hammasi readagidek ketyapti", - deydi Kyopke.
Noyer YECHL-2016/17 chorak finalining "Real"ga qarshi javob uchrashuvida jarohatlangan va o‘tgan yilning sentyabrida jarohat qaytalangan edi.