Benjamen Mendi «Manchester Siti»ga joriy mavsum avvalida o‘tgandi. Tez orada u klub fanatlarining yoqimtoyiga aylandi.
Esingizda bo‘lsa, «shaharliklar» futbolchi uchun «Monako»ga 50 million funt sterlingdan ko‘proq to‘lashgandi.
Fransiyalik futbolchi «Siti»ga o‘tganidan so‘ng klub sport direktori Chiki Begiristayn quyidagilarni aytib o‘tgandi:
- Benjamen qanot himoyachilari uchun kerak bo‘lgan barcha xususiyatlarga ega futbolchi. Yosh bo‘lishiga qaramay, katta tajribaga ega. U jahonning eng yaxshi qanot himoyachilari sirasiga kiradi. Biz uning nomzodini ko‘pdan buyon o‘rganib chiqayotgandik. Uning «Manchester Siti»ga o‘tganidan xursandmiz.
O‘z o‘rnida Benjamin Mendi ham «Monako»dan Angliya klubiga o‘tganidan xursandligini yashirmadi.
- «Manchester Siti» safiga qo‘shilganimdan mamnunman. Bu Yevropaning yetakchi klublaridan biridir. Gvardiola hujumkor futbol tarafdori. Ishonchim komil, biz yuqori maralarni zabt etamiz. Xorij jamoasida o‘ynashni istardim. Gvardiola esa qaror qabul qilishimda katta rol o‘ynadi.
Bu yerdaligimdan faxrlanaman. Jahonning eng yaxshi chap qanot himoyachisi bo‘la olamanmi? Nimaga bo‘lmas ekanman? Agar tinimsiz mehnat qilsam hamma narsa bo‘lishi mumkin. Bu mavsumdagi maqsadimiz? «Siti» bilan ikki-uchta sovrinni qo‘lga kiritish.
Benjamen faqat Pep Gvardiola bilan ishlashni orzu qilgan.
- Qaysidir vaqt uni ketishdan to‘xtatib turdik. Keyin yana bir mavsum qolsa kerak deb o‘yladik. Lekin Benjamen «Yo‘q, Vadim, men «Siti»ga o‘tib Gvardiola bilan birga ishlamoqchiman», deb javob berdi.
U agar «Chelsi» bo‘lganida qolishi mumkin edi. Biroq Gvardiola bilan ishlash imkoniyatini yo‘qqa chiqarmoqchi emasdi», — degandi «Monako» rahbari Vadim Vasilyev L~Equipe nashriga bergan intervyusida.
Mendi «shaharliklar» safiga qo‘shilishi bilan maydonga tushmadi. Chunki uning...
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
