“Roma” afsonasi Franchesko Totti 2004 yilda “Real” taklifini rad etgandi. Sobiq futbolchi ana shu lahzalarni yodga oldi.
“2004 yilda Madriddan ajoyib taklif olgandim. Ammo bir qancha sovrinlarni qo‘lga kiritish imkoniyatini rad etdim, chunki men butun hayotimni faqat bitta futbolkada o‘tkazishni, bitta klub uchun o‘ynashni niyat qilgandim. Evaziga esa muxlislarning kuchli muhabbat va shon-shuhratga ega bo‘ldim. Bu men uchun sovrinlar yutishdan afzalroq edi. “Roma” bilan esa Skudetto, Italiya kubogi va superkubogi g‘olibiga aylandim”, dedi Totti.
