“Рома” афсонаси Франческо Тотти 2004 йилда “Реал” таклифини рад этганди. Собиқ футболчи ана шу лаҳзаларни ёдга олди.
“2004 йилда Мадриддан ажойиб таклиф олгандим. Аммо бир қанча совринларни қўлга киритиш имкониятини рад этдим, чунки мен бутун ҳаётимни фақат битта футболкада ўтказишни, битта клуб учун ўйнашни ният қилгандим. Эвазига эса мухлисларнинг кучли муҳаббат ва шон-шуҳратга эга бўлдим. Бу мен учун совринлар ютишдан афзалроқ эди. “Рома” билан эса Скудетто, Италия кубоги ва суперкубоги ғолибига айландим”, деди Тотти.
