“Manchester Yunayted”ning afsonalaridan bo‘lmish Rayan Giggz “Manchester Yunayted”ning amaldagi bosh murabbiyi Joze Mourinyoning xatolarini ko‘rsatib berdi.
“Nazarimda “Manchester Yunayted” uchun eng yaxshi taktika – 4-3-3 sxemasidir. Mourin’oning ixtiyorida hujumkor o‘yinchilar yetarli darajada. Ba’zi futbolchilardan esa yanayam ko‘p narsalar olish mumkin. Pol Pogbani to‘gri o‘ynatmayapti. Mudofaaga bog‘lab qo‘ygan. Uni chap qanotda o‘ynatish lozim. Agar uni himoyaga yordam uchun tirkab qo‘yishdan ozod etsangiz, u xuddi “Yuventus”dagidek o‘ynaydi. “Everton” bilan o‘yinni eslang, ajoyib o‘yin, ajoyib g‘alaba va eng yaxshi o‘yinchi - Pogba. Matich esa tayanch yarim himoyani, Ander Errera esa o‘ng qanotni to‘ldirishi kerak. Agar Pogba himoya bilan andarmon bo‘lib qolsa, unda yo‘q bo‘lib ketadi".
