“So‘g‘diyona” Toshkentdagi o‘quv mashg‘ulot yig‘inida navbatdagi nazorat uchrashuvini o‘tkazdi. Sparring raqib sifatida “Surxon” jamoasi tanlandi.
Murabbiylar shtabi asosan jamoa ko‘rigida bo‘lgan futbolchilarni sinovdan o‘tkazdi. Birinchi bo‘limda Andrey Sidorov, Dilmurod Karimov, Izzatilla Abdullayevlar gol kiritish uchun qo‘lay vaziyatlardan foydalana olmadi. Dastlabki bo‘limda hisob ochilmadi.
Ikkinchi bo‘lim ancha qiziqarli va yuqori tempda o‘tdi. Murabbiylar shtabi o‘yinni kuchaytirish shuningdek, jamoa ko‘rigida bo‘lgan futbolchilarni sinovdan o‘tkazish maqsadida tarkibda bir nechta o‘zgarishlarni amalga oshirdi.
Ikkinchi bo‘limda ham “Surxon” darvozasi oldida bir qator havfli vaziyatlar yuzaga keldi. Dastlab Shoxruz Norxonov yaratilgan imkoniyatdan unumli foydalanib, ajoyib tarzda raqib darvozasini ishg‘ol etdi.
Ko‘p o‘tmay “Surxon” darvozasiga ikkinchi gol ham kiritildi. O‘yinda Shoxruz Norxonov “So‘g‘diyona” safida dublga erishdi va u o‘yinning haqiqiy qaxramoniga aylandi. Bahsning so‘nggi daqiqalarida himoyachi Azamat Isroilov hisobni yanada yirik ko‘rinishga olib keldi. 3:0. Shu tariqa jamoamiz navbatdagi nazorat uchrashuvida yirik hisobdagi g‘alabani rasmiylashtirdi.
“So‘g‘diyona”-“Surxon” 3:0
Gollar: Shoxruz Norxonov 2 ta, Azamat Isroilov
«SO‘G‘DIYONA»: Dilshod Hamroyev, Doniyor Odilov, Sardor Qulmatov, Jasurxo‘ja Ismoilov, Andrey Sidorov, Izzatilla Abdullayev, Orifxo‘ja Abduholiqov, Axror Umarxo‘jayev, Dilmurod Karimov, Mirkomil Lokayev, Islom Sharipov.
Zaxirada: Shirinboy Abdullayev, Akmal Xolmurodov, Shohruh Holmatov, Farhod Mirahmatov, Elyor Orifov, Umidjon Qodirov, Doniyor Hasanov, Shohruz Norxonov, Sardor Azimov, Azamat Isroilov.
«SURXON»: Ruslan Matniyozov, Najmiddin Normurodov, Ibrohim Abdullayev, Ubaydillo Xoliqulov, Nodir Yo‘ldoshev, Sirojiddin Qo‘ziyev, Doston Haydarov, Nizom Norov, Nuriddin Hasanov, Dilshod Hushbakov, Timur Usmonov.
Zaxirada: Azamat Ahmedov, Timur Kagirov, Abdurasul Komilov,Sarvar Xolmatov, Alisher Mirzayev, Abbos Po‘latov , Orif Abdug‘aniyev, Elbek Ravshanov.
Jahongir Abdumo‘minov jarohati sabab o‘yinni o‘tkazib yubordi.
Navbatdagi nazorat uchrashuvi 17 fevral kuni “Metallurg” ga qarshi bo‘lib o‘tadi.
“So‘g‘diyona” matbuot xizmati
